دوو شه‌ڕکه‌ر

دوو شه‌ڕکه‌ر له‌گه‌ڵ یه‌کتر به‌شه‌ڕ ده‌هاتن. یه‌کیان زۆر گه‌وره‌ و درێژ بوو، ئه‌ویتریان قه‌ڵه‌و; یه‌کیان قورس، ئه‌ویتریان چیڕ; یه‌کیان زۆر به‌هێز و ئه‌ویتریان بێ به‌زه‌یی.

به‌هێزه‌که‌ مستێکی له‌ که‌پۆی بێ به‌زه‌ییه‌که‌ دا. ‌ هاوکات هه‌ستی پێ کرد و له‌به‌رخۆیه‌وه‌ گوتی: ‌ که‌پۆی ئه‌ویش هه‌ر وه‌ك هی من وایه!

بێ به‌زه‌ییه‌که‌ هه‌موو په‌راسووه‌کانی به‌هێزه‌که‌ی شکاند. ئه‌ویش‌ هه‌ستی پێ کرد و له‌به‌رخۆیه‌وه‌ گوتی: په‌راسووه‌کانی ئه‌و هه‌ر وه‌ك هی خۆم وایه‌ و ده‌شکێن.

له‌پڕێکدا به‌هێزه‌که‌ قامکی به‌ چاوی بێ به‌زه‌ییه‌که‌ دا کرد و ده‌ریهێنا. ‌ هه‌ستی پێ‌ کرد و به‌ خۆی گوت: چاوه‌کانی ئه‌ویش نه‌رم و ئه‌سته‌من‌ وه‌ك چاوه‌کانی من.

بێ به‌زه‌ییه‌که‌ له‌قه‌یه‌کی له‌ زگی به‌هێزه‌که‌ دا. ‌ به‌خۆی گوت: زگی ئه‌ویش ده‌قوپی و نه‌رمه‌ وه‌ك زگی من.

به‌هێزه‌که‌ گه‌رووی بێ به‌زه‌ییه‌که‌ی گوشی و رێگای هه‌ناسه‌ی لێ بڕی. به‌خۆی گوت: ئه‌ویش وه‌ك من پێویستی به‌ هه‌ناسه‌ کێشان هه‌یه‌.

بێ به‌زه‌ییه‌که‌ مستێکی له‌سه‌ر دڵی به‌هێزه‌که‌ دا. هه‌ستی پێ‌ کرد و گوتی: خۆ ئه‌ویش وه‌ك من دڵی لێ ده‌دا.

کاتێك هه‌ردووکیان هیچ وزه‌یه‌کیان نه‌مابوو و له‌سه‌ر زه‌وی که‌وتبوون، هه‌ردووکیان پێکه‌وه‌ ده‌یانگوت: "زۆر سه‌یره‌، ئه‌ویش مرۆڤێکه‌ هه‌ر وه‌ك من. ‌‌"

به‌ڵام ئیتر کار له‌ کار ترازابوو و هیچ سوودێکی بۆهیچکامیان نه‌بوو.

This site has content self published by registered users. If you notice anything that looks like spam or abuse, please contact the author.